वाह !! नेताहरु -देश दाउमा राखेर राजनीति

  दाङमा कती घर जले । कती हाम्रा नेपाली साथीहरु बिस्थापित भए । कती हाम्रा चेलीहरु बलात्कृत भए । बेलुक सम्मका नेपाली जमिन बिहान् सबेरै भरत हिंडे । झापाको जङे पिल्लरको खुट्टा उम्रेर अहिले भरत पसिसक्यो । सुस्ताको जनतलाई त भारतीय ज्यादाती सामान्य लाग्न थालिसक्यो । सबैतिरबाट साँघुरिदै छ नेपाल, तर हामीलाई के हैन त ?? खान पाइएकै छ, लाउन पाइएकै छ । आफुले खान पाए, लगाउन पाए त पुगिहाल्यो नि !! किन चाहियो देश, अनी स्वाभिमान !!
  नेपाली नेताहरुको त के कुरा गर्नु । जती बखान गरे पनि सकिन्न, भारत कै पालणपोशण जो हुन । हाछियु आए भारत, घाऊ लागे नि भारत । झन अहिले दाङमा हजारौं रोईरहेको बेला यहाँ सयपचासको घटिया राजनीतिले तिनिहरुको चित्कार कानमा पस्न पाएको छैन । हरेक जिल्लालाई एउटा मन्त्री हुन आटीसक्यो, अझ चित्त बुझेको छैन यिनिहरुको । यती सानो देश छ तर अनेक बिनाबिभग । गर्ने के हुन तिनिहरुले ?? प्यारी नेत्री अनी भारतीय राजदुताबासको त लोलिबोली नै एउटै छ । कोही चै सरकारमा हुँदा केही नगर्ने अनी अहिले घाटी फटाइराखेको छ । अरुको हजारौ मार्दा केही नहुने अनी आफ्नो चैँ एउटा त्यो पनि आँफै मर्दा सयौँको टाउको फुटाउने !! के यही हो नेताको दयित्व ?? आफ्नो नेत्रित्वको लागी हामीले चुनेको यि नेताहरुले कता लाग्दै छ हामीलाई अनी देशलाई, थाहा छ ?? वाह !! नेताहरु गजब छ तिमीहरुको खेल । वाह !! नेताहरु आफ्नै आमा बेच्ने लाछिहरु । देश अब केही बर्षमा काठमाडौंमा आइपुग्छ त्यही पनि यिनिहरुको सत्ताको भिडन्त जारी नै हुनेछ ।
  हेर् ! नेपाली जनता हेर् !! आफ्नै आँखा अगाडि आफ्नो आमाको अस्मिता लुटिएको हेर् । त्यो भन्दा बढी केही गर्नै सक्दैनौ तिमीहरु । लाछीहरु !! त्यही नेताहरुको झगडामा खुचिङ गर्ने र ताली पड्काउन बाहेक केही गर्न साक्दैनौ तिमीहरु । आफ्ना पुर्खाको कुरा गर्द छाती फुलाउन बाहेक केही गर्न सक्छौ ?? के नयाँ नेपाली ईतिहासको रचाना गर्न सक्छौ ?? धेरै हैन एक आवाज भए पुग्छ, देश को लागि अनी हाम्रा दाङ, झापा, अनी सुस्ताको साथीहरुको लागि । एउटा हात मात्रा उठे पुग्छ हाम्रो स्वाभिमान बचाउनको लागि । हाम्रो अस्तित्व बचाउनको लागि ।

Posted in: समसामयिक